396                                                   REGISTRES DU BUREAU                                               [i57i]
DXXXIII [CCXX]. — [Ordre au Maître des oeuvres de la Ville touchant le pavé.]
i" décembre i57i. (A, fol. a84 v°; B, fol. 161 r°.)
#e par les Prevost des Marchans et Eschevins de la Ville de Paris. "Guillaume Guillain, Maistre des œuvres de mas­sonnerye et pavement de la Ville de Paris, nous vous mandons et commandons que tous et ung chacun le pavé de grez qui viendra en ceste Ville de Paris, vous faciez trier et mectre à part tous les pavez qui se trouverront du calibre et eschantillon de l'ordon­nance, qui est de six et sept poulces en carré et en tous sens, pour estre employez, faire et refaire les pavemens des rues de lad. Ville, et le pavé qui ne sera dud. callibre et eschantillon delad, ordonnance,
faictes le mectre à part, affin qu'il ne soit remellé avec led. pavé de lad. ordonnance, lequel ne sera vendu sans le congé des Prevost des Marchans et Eschevins de ladicte Ville, affin de sçavoir et en­tendre où il sera employé. Et tout le pavé qui se trouvera landre et de mauvaise pierre, qui ne sera leal ny marchant, et qui sera corrompu, faictes le fandre et casser, affin que puis après il n'en soit abusé. Et de ce faire nous vous donnons pouvoir et puissance.
"Faict au Bureau deladicte Ville, le premier jour de Decembre mil cinq cens soixante et unze. »
BXXXIV [CCXXI]. — [Lettres du Roi ordonnant de rayer le sr de Hauquei,
DES RÔLES DE COTISATIONS.] 7 décembre 1571. (A, fol. 285 r°; B, fol. 161 v°.)
De par le Roy.
"Très chers et bien amez, de Hauquel'1', l'un de noz Varletz de chambre, nous a faict entendre que, encores qu'il soit de la ville de Harfleur, où il a mai­son, et que pour ceste occasion il aict esté par les habitans de lad. ville taxé aux emprunclz par nous dernierement ordonnez estre levez sur les villes de nostre Royaulme, et payé lad. taxe, comme il faict apparroir par bonne quictance, neantmoings vous n'avez laissé le comprendre aux roolles des taxes d'iceulx emprunetz, qu'avez faict en vostre Ville.
k Et pour ce qu'il ne seroit raisonnable qu'il payast en deux divers lieux lesd, emprunetz, aussi que le voullant gratiffier, en consideration des services qu'il nous faict journellement, nous vous avons bien voullu
faire ce mot, affin de vous prier et neantmoings mander que, en vous présentant par luy ladicte quic­tance du payement qu'il a faict en lad. ville de Har­fleur de sa taxe, vous ayez à ie rayer de voz roolles incontinant, sans y faire aulcung reffuz ou difficulté. Et à ce ne faictes faulte; car tel est nostre plaisir.
"Donné au Lude, le septiesme jour de Novembre mil v° lxxi. »
Signé : " CHARLES ».
El au dessoubz : "Brulart».
Et au doz est escript ce qui s'ensuict : A noz très chers et bien amez les Prevost des Mar­chans et Eschevins de nostre bonne Ville de Paris.
Apportées par le sr de Haugestz (sic), demourant rue de Quinquempoix, le septiesme Decembre 11. vclxxi<-'.
DXXXV [CCXXU]. — [Lettres du Roi touchant la vente à la Ville de Paris
DE 29,166 LIVRES i3 SOUS ll DENIERS DE RENTE
SUR LA GABELLE DU SEL REMONTANT LE RllÔNE ET LA SaÔNE.]
io décembre 1571. (A, fol. 285 v°; B, fol. 162 r°.)
De par le Roy.
"Noz amez et feaulx, nous avons par cy devant envoyé procuration à noz amez et feaulx le sr de
Thou, premier President en nostre court de Par­lement de Paris, et Nicolay, aussi premier President en nostre Chambre des Comptes dud. Paris, pour et en nostre nom vendre sur la maison de nostredicle
(1> Le nom de ce valet de chambre ne figure pas sur les états de la maison de Charles IX, des années 1572-1574. (Archives nat., KK 134.)
>-' La suscription et la date de réception n'ont pas été transcrites sur le Registre B.